هكذا هي المسيرة العراقية الفنية - جهاز استنساخ !!!!!

ما اسهل درب الفن – اي ما اسهل درب الغناء !! – هذه الخطوات الاربع التي وجب عليك اتباعها كي تصبح مغنيّا :

1- أن يكون صوتك ذو بحّة او ميزة تخدم اذن تجار ( الكاز ) و مهربي ثروات العراق مع الاخذ بنظر الاعتبار امكانية التخلي عن موهبة الكتابة والتلحين و التوزيع و ماهية المقامات !! .

2- العمل المتواصل والدؤوب للغناء في النوادي الليلة التي تبدأ و تنتهي حفلاتها الغنائية بأغاني الحيوانات و الحشرات و الفواكه و الخضراوات و الالبسة العصرية كالكابوي و مستحضرات التجميل كـ شعر . . شعر ؛ كل هذا كي تجني القروش طبعا !! .

3- زيارة احد الاستوديوهات العراقية الغجرية المنتشرة في عمان و دمشق و دبي و شراء الاغنية الجاهزة التي سيكون ايقاعها اما جوبي او جنوبي مطرز بالهجع و صولا الى الرمبة الخليجية !!! .

من قال اني معترض على الايقاعات فكلها جميلة و لكن دعوني اوضح التالي من خلال نقل الحوار الذي دار بين شخص يريد ان يغني و ملحن هذه الايام :
- شلونك عيني ابو الشباب
+ هلو وردة
- يابه انته ملحن توب و اسمك ماكل السوك
+ الله يخليك – تررن تررن – الو – هلو حبي – اي جاهزة تعال نزل صوتك – باي عمري
- منو هذا ؟
+ هذا بوش الاب – يريد يسوي دويتو ويه ( دالي )
- مو اكلك ماشاء الله اسمك عالمي
+ اي فآني وصاني عليك ابو فلان وكال انته دليه الدرب ؛ شوف حبيبي ، ماجد من اكل السوك اكله بالجوبي و الولد هسه كلهم ديطلعون بالربع تدري السوك يحتاج الردح و الونسة كافي هم مو ؟ - بس هسه الولد جماعتنه بدبي مركزين على الرمبة انته دتشوف اغاني مهند و الولد الحلوين بروتانه؟ ؛ اي فشكلت ؟
- اللي تشوفه والله – ما ادري آني بعدني جديد عسالفة
+ انته بيمن متأثر ؛ منو تحب تقلد ؟
- و الله آني شفت صاحبي ابوه انطاه دفتر و كله ليش متستثمره بالفن – اشو دا اسولف للوالد كلي اي شكو بيها – انته هم استثمر فلوسنه بالفن – و صاحبتي فرحت خطية من كلتلها راح اغني ( ههههههههه )
+ اوكي – باجر مر للأستوديو بالخمسة العصر – اسمعك الاغنية – و عكب باجر جيب فلوسك و تعال نزل صوتك حته بعدين تستلمها كاملة حبي
- اوكي حبي باي
+ بايات

عزيزي القارئ ( ان هذا الحوار حقيقي مع حذف بعض الكلمات النابية بين الطرفين على سبيل الدعابة ) !!!!

4- التنسيق مع المخرج و الفتاة الموديل بـ ( كعدة ) حبايب تتضمن ( الكرص و الركص و البوس و الفلوس و الشرب و الصخب و الـ . . . . و الـ . . . )

و اذا بنا نشاهد على قناة الـ . . . . أغنية الـ . . . " طم جكه طم جكه طم جكه بوياي آحاه اووي ييوييي " مع إضافة بعض الحشرات و الحيوانات الى جسد الاغنية للأمانة الفنية !! .

شكرا لكل من كاظم الساهر و ماجد المهندس و مهند محسن و رضا العبدالله و هيثم يوسف و من سيتبعهم ليصحح صورة الفن العراقي التي تشوهت بـ . . . . . . ( انتو تعرفوهم بعد شكو دا اذكرهم و افشل نفسي ؟ !!!! )



عبدالله عبدالواحد
عراقي مقيم في عمان الاردن
هـ : 00962785410619
abdullahabdulwahid@yahoo.com